Naglabas ng official statement ang team ni Gary Valenciano hinggil sa refund na hinihingi ng ilang concertgoers na dumalo sa unang gabi ng concert ni Mr. Pure Energy last Dec. 20 sa Smart Araneta Coliseum.

Ayon sa statement na ipinost ng team ni Gary sa Facebook, ibabalik nila ang pera ng mga bumili ng ticket.

“We would like to apologize to all who attended Day 1 of ‘Gary V. Pure Energy: One More Time’ held on December 20 at Smart Araneta Coliseum. Your trust and support matter to us and we regret to hear that some of you felt disappointed, or shortchanged,” simula ng statement.

Anila ay hindi rin nila inasahan ang nangyari dahil sa ilang dekada ni Mr. Pure Energy sa concert scene ay first time nangyari na hindi nito natapos ang show.

“The decision to cut the concert short was not made lightly. This is the first time it has ever happened in Gary’s decades-long career. Gary has always given his all in every performance, and the December 20th incident was a shock to all of us. Our bodies can only take so much, and so we made the decision to put his health first,” paliwanag ng team Gary.

Kung sinuman daw ang nais na humingi ng partial refund ay mag-email lang sa kanila.

“We understand and respect that many of you were disappointed with the concert not meeting your expectations. If you feel you did not get the concert value you paid for and wish to request a partial refund, please reach out to us directly at [email protected] as we are currently discussing the mechanics with the Ticketnet PH management.

“All email inquiries regarding this matter will be processed from JAN 2- JAN 31, 2025, Monday thru Friday from 10AM-5PM. Wishing you and your families a blessed year ahead,” the statement said.

Matatandaang hindi natapos ni Gary V. ang kanyang concert last Dec. 20 dahil nagkaroon siya ng medical emergency.

Sumama ang kanyang pakiramdam at nakita rin naman ng audience na talagang nahihirapan siya sa pagpe-perform.

Ayon naman sa misis ni Gary na si Angeli Pangilinan, na-dehydrate ang mister niya kay nanghina.

“Don’t worry guys. Gary is ok… just dehydrated. He vomited about 8 times today. But am here with him and he’s just weak. A Type 1 diabetic goes through serious medical issues and we couldn’t afford what we call diabetic ketoacidosis so we are making sure he balances everything in a while,” ang paliwanag ni Angeli sa Facebook matapos ang shortened concert.

Bagama’t medyo mahina pa ay sinipot naman ng OPM icon ang day 2 ng kanyang concert last Dec. 22. Thankfully ay kinaya niyang mag-perform at tapusin ang show.

BABY BOY, PANGANAY NINA MIKAEL AT MEGAN

Masayang-masaya ang mag-asawang Mikael Daez at Megan Young dahil alam na nila ang gender ng kanilang magiging first baby.

Sa video na ibinahagi nila sa kanilang Instagram ay makikitang sabay nilang tiningnan sa laptop ang resulta ng gender ng kanilang first baby.

Bago nila buksan ang laptop ay sinabi nilang girl ang kanilang hula. Kaya naman napasigaw sila pareho nang makita ang resulta at nagtatalon pa si Mikael.

Kasunod nito ay mapapanood na nagdaos ng intimate gender-reveal party ang mag-asawa with some of their loved ones.

Ni-reveal ni Megan ang gender sa pamamagitan ng pagputok sa balloon na may lamang blue confetti.

“Gender reveal!!! We set up the studio for our fun get together and asked everyone to come in either pink or blue to see kung ano ang hula nila! Good times,” caption ni Mikael sa video.

Matatandaang ibinalita ng mag-asawa nito lang first week of December na buntis si Megan at magkakaroon na sila ng baby after four years of marriage.

AUTHOR PROFILE

Vinia Vivar