Arestado ang suspek na isang Joyride rider matapos umano bugbugin ang parking attendant ng MTPB sa Binondo, Manila noong Huwebes.
Parking attendant bugbog; suspek na rider arestado
NAHAHARAP sa kasong direct assault ang Joyride rider na umano’y nanapak ng 56-anyos na parking attendant ng Manila Traffic and Parking Bureau (MTPB) noong Huwebes sa Asuncion St., Binondo, Manila.
Kinilala ang suspek na si alyas Benigno, ayon sa mga pulis.
Bugbog, galos at napunit ang uniporme ng biktimang si alyas Elmer, MMDA deputized enforcer at parking attendant ng MTPB, dahil sa suspek.
Sa ulat ni Police Master Sergeant Ryan DL Fortich, naganap ang pananapak sa biktima bandang alas-5:50 ng umaga.
Nagmamando umano ng batas trapiko ang biktima ng bigla na lang bugbugin ng suspek sa hindi pa malamang kadahilanan.
