Panganay nina Andeng at Mayor Junjun binubuyong mag-artista
Imbitado si Cassandra Ynares sa Brighter Together: ABS-CBN Ball 2025 na ginanap noong Biyernes, Abril 4, sa Solaire North, Quezon City.
Si Cassandra ang 17-year-old daughter nina Antipolo Mayor Junjun Ynares at Andrea “Andeng” Bautista-Ynares.
Dahil first time niyang ma-expose sa ganu’n kalaking showbiz event, sinamahan siya roon nina Andeng at fashion designer Paul Cabral.
Marami ang nagtatanong kay Cassandra kung papasukin na rin ba niya ang pag-aartista gaya ng tito niyang si Sen. Bong Revilla, yumaong lolong si Ramon Revilla Sr. at iba pa sa kanilang pamilya.
Sa totoo lang, matagal na siyang isinasali sa mga pelikula pero ang priority ni Cassandra sa ngayon ay ang kanyang pag-aaral.
“I want to focus on my studies first,” sey ng dalaga nang makapanayam sa ABS-CBN Ball. “When I graduate, I might consider giving it a try,” patuloy niya.
Sabi naman ni Andeng, hindi niya pipigilan ang panganay na anak sakaling gustuhin nitong mag-artista. Kailangan lang talaga muna niyang tapusin ang pag-aaral.
Bukod sa school, active rin si Cassandra sa pagpapatuloy ng legacy ng kanilang pamilya sa public service.
She is a passionate advocate for youth development and welfare, with a special focus on children’s mental health.
Committed din si Cassandra sa pagbuo ng isang environment para sa emotional at intellectual growth ng mga kabataan.
