PAKIKIPAGTRABAHO KAY ANDRE WALANG KASO KAY ANDRES
SUWERTE naman ang napiling bida sa “Mutya ng Section E,” isa sa hit stories mula sa Wattpad na sinulat ni Lala Flores.
Siya ay si Ashtine Olviga at ang makapareha niya ay si Andres Muhlach na marami ang nahuhumalingan dahil sa taglay na kaguwapuhan.
Ang isa pang guwaping na nasa Viva One series ay si Andre Yllana, anak naman nina Jomari Yllana at Aiko Melendez, na nakarelasyon noon ni Aga Muhlach, ama ni Andres.
Nang tanungin namin si Andres, walang issue kung magsama man sila ni Andre. Biro pa nga niya, eh, muntik na niya itong maging kapatid.
Campus story ang “MNSE” na talaga namang forte ng Viva mula noon hanggang ngayon.
Kaya maraming baguhan ang kabilang sa movie na dinirek ni Theodore Boborol.
