Juday

Paghaharap nila ni Gordon dream come true kay Juday

January 21, 2025 Vinia Vivar 101 views

Parang nasa cloud nine si Judy Ann Santos habang ikinukuwento ang kanyang unforgettable experience sa paghaharap nila ng world renonwed British celebrity chef na si Gordon Ramsay nitong nakaraang Lunes, January 20.

Naimbitahan si Juday na mag-participate sa event ni Chef Gordon na ginanap sa Newport Worlds Resort sa Pasay City kung saan ay sumabak ang aktres sa isang mini-Masterchef challenge.

Bukod kay Juday ay imbitado rin sina Danica Lucero from the Center for Culinary Arts Manila, vlogger Ryan Morales Reyes o Ninong Ry at Bea Therese Qua, head chef ng Gordon Ramsay Bar and Grill Philippines.

Ang challenge sa kanilang apat ay gumawa ng sarili nilang bersyon ng halo-halo in just 10 minutes.

Sunod-sunod ang post ni Juday sa Instagram ng mga ganap sa nasabing event at aniya ay dream come true na ma-meet niya up close si Chef Gordon.

“Wow… sa paanong paraan ko ba pwedeng maikwento ang araw ko today? Nakakaloka? Nakakabaliw? Napaka surreal!! Never in my wildest dreams that this would happen in my lifetime.. ilang beses kong kinukurot yung sarili ko.. totoo ba to? Pinaprank ba ko? Pero… totoo e..!!! Gusto kong tumambling sabay split!!” ang sey ni Juday sa kanyang IG post.

“Simpleng halo halo lang naman , that we have to finish building in 10 min., but that was the fastest, nerve wrecking 10 minutes of my life! But, it was the best! Hindi ko alam what i did to deserve this.. but, i am so grateful for the experience.. thank you from the bottom of my heart to everyone involved in this wonderful experience..” patuloy niya.

Nagpasalamat din si Juday sa asawang si Ryan Agoncillo at sa bunsong anak na si Luna na naroroon daw para pakalmahin siya’t palakasin ang kanuang loob.

“Thank God my husband and our youngest was there to calm my nerves and palakasin ang loob ko.. to my glam team.. ( yes! Pinaghandaan ko talaga to ng todo!) @juansarte , @jeffreyaromin , @studio.24c maraming salamat ng bonggang bongga! To my ojph and mylaunchpad family… ang saya d b?” aniya na halatang masayang-masaya.

“Grabe to.. grabe talaga… and of course to my fellow chefs… cheers to all of us!!!mabuhay at ilalaban ko ang pagkaing pilipino!!” pagtatapos ng aktres.

Sa panayam niya sa ABS-CBN matapos ang cooking challenge ay binanggit din ni Juday na dati ay pinanonood lang daw nila ng kanyang mga anak ang mga cooking competition ni Chef Gordon.

“’Yung pinapanood namin ng mga anak ko, sa mga cooking competitions ni Chef Gordon, siyempre nandu’n ‘yung wonder mo na ‘ano kayang feeling ng nandiyan?’ Naramdam ko ngayon. Na-achieve ko ngayon ‘yung pakiramdam.

“’Yung para ‘kong mahihilo na mahihimatay na naghahanap ako ng pader kung sa’n ako pwedeng sumandal.

“Pero I think, those are the literally priceless moments talaga,” sey ni Juday.

AUTHOR PROFILE