Obrero, 60, nahulog mula 3rd floor patay
PATAY ang isang obrero ng mahulog mula sa canopy sa 3rd floor ng ginagawang building sa Don Quijote St., Sampaloc, Maynila noong Linggo.
Ayon sa report ni Police Capt. Dennis Turla, hepe ng Manila Police District-Homicide Section, bandang alas-9:30 ng umaga ng mahulog si alyas Jimeno.
Bago mahulog, naninigarilyo pa daw ang 60-anyos na construction worker. Nawalan siya ng balanse kaya nahulog at naunang lumagapak ang mukha sa semento.
Isinugod ng kanyang mga kasamahan sa trabaho sa Jose Reyes Memorial Hospital ang biktma subalit idineklara itong dead-on- arrival.
