Netizens pabor sa romansang Dominic at Sue
Viral ngayon ang video nina Dominic Roque at Sue Ramirez na naghahalikan sa isang bar.
May netizen na nag-post ng nasabing video hanggang sa ni-reshare na ito ng mga nakapanood.
Makikita sa video na magkatabi sina Sue at Dom. Nakasuot ang aktres ng white dress habang ang aktor naman ay nakasuot ng itim na T-shirt at cap.
Kasama nina Dom at Sue ang kanilang mga kaibigan at tila nagkakasayahan sila.
Hanggang sa makikitang hinawakan na ni Sue ang mukha ni Dom at naghalikan na sila.
Pagkatapos ay hinawakan ni Dom ang kamay ni Sue na tumayo naman pagkatapos.
Ang netizens na rin ang nagsabi na sa isang bar sa General Luna, Siargao nangyari ang halikan ng dalawa.
Makikita rin sa separate photos nina Sue at Dom sa kanilang Instagram account ay nasa Siargao nga sila.
Pinutakti agad ng mga reaksyon at comment ang ‘kissing video’ nina Sue at Dom. Karamihan sa mga nabasa namin ay pabor naman sa dalawa if ever na may relasyon nga sila dahil pareho silang single ngayon.
May tsika nga kasing break na rin si Sue at ang boyfriend niyang si Victorias City, Negros Occidental Mayor Javi Benitez, pero wala pang kumpirmasyon o pag-amin ang dalawa tungkol dito.
Narito ang ilan sa mga komento:
“Naku. Kayo na?! He seems to be a nice guy. Mag mahalan kayo, ha.”
“Umamin ka saakin, totoo ba ung mga pictures? Okay lang naman bagay kayo, love itttt.”
“Oks na oks na masaya ako kng masaya si Dom @dominicroque deserve na magmahal ng iba, haha.”
