Mga larawan mula sa Instagram/@ryan_agoncillo
Netizens nagulat sa paglaki ng mga anak nina Judy Ann, Ryan
IBINAHAGI ng TV host-actor na si Ryan Agoncillo ang ilang nakakatuwang larawan ng tatlong anak nila ng beteranang aktres na si Judy Ann Santos.
Sa kanyang Instagram page nitong Martes, Agosto 29, ipinakita ng “E.A.T.” host ang precious moments ng kanyang mga anak na sina Yohan, Lucio, at Luna Agoncillo na kumakain ng chocolate candy o sweets habang nagtatawanan at naghaharutan.
“Our not so little humans,” saad ni Ryan sa caption ng kanyang Instagram post.
Nagbigay komento naman ang ina ng mga bata na si Judy Ann sa mga larawan ng kanyang anak.
“Hehehe… kulits!” pahayag ng aktres.
Samantala, marami namang netizens ang nagulat na ganoon na kalaki ang mga anak ng mag-asawa.
“Grabe they’re sooo big already!!” komento ng radio at TV personality na si Sam YG.
“My gosh! Parang kelan lang!” saad naman ng aktres na si Beth Tamayo.
“My inaanaks!!! Anlalaki na nga nila,” wika ni user @promaryjane.
“Haha natural na natural. Nakaka miss kayo enleleke nyo na beket genen,” komento naman ni user @teacher_annneeeee.
“Gulat naman ako ang lalaki na nila dito!” ani user @felydevega.
