May malaking teleserye umanong niluluto ang Star Creatives na pagsasamahan nina Richard Guttierez, Daniel Padilla, Ian Veneracion, Baron Geisler, Barbie Imperial, Kaila Estrada, Anthony Jennings at Maris Racal.

Ipinost sa X ng Kapamilya Online World ang Teleserye Alert na may larawan ng mga artistang nabanggit.

“ABS-CBN Studios mula sa produksyon ng Star Creatives pinaghahandaan na ang Epik Seryeng pagbibidahan ng ilan sa pinakamalalaking artista ngayon!” ang caption na nakasaad.

Siyempre, kanya-kanyang reaksyon ang fans ng mga artistang nabanggit at karamihan sa kanila ay excited.

Sey ng isang fan nina Maris at Anthony (MaThon), “Taray ng #MaThon may bagong teleserye na ulit. Sana magkaroon sila ng teleserye na sila talaga ang lead.”

Nag-react din ang ilang netizens sa pagsasama nina Richard at Barbie na as we all know ay nali-link ngayon.

“Parang bet ko ang daniel-barbie and richard-kaila possible pairing,” komento ng isang netizen.

“Luh R and B project talaga ah lakas sa abscbn ah kahit ang init ng dalawang yan ngaun sa tao,” sey naman ng isa pang X user.

“Kaya pala may sighthings ang Richard-Barbie may teleserye pala. Parang Janine and Echo lang,” anang isa pa.

AUTHOR PROFILE

Vinia Vivar