Netizen tinawag na ‘epal’ ni Dominic
Nag-react si Dominic Roque sa isang mapapel na basher na nagkomento sa kanyang Instagram post.
Nag-upload ang ex-fiance ni Bea Alonzo ng series of photos ng mga kaganapan sa buhay niya noong nakaraang buwan.
He wrote, “Half of Hulyo, mostly phone photos….”
Umani ng positive reactions ang post ng dating aktor mula sa kanyang followers pero may isang netizen na tumawag ng kanyang pansin dahil sa komento nito.
“Happy yung jowa ni bullet,” sey ng netizen.
Kaya naman sinagot ito ni Dominic. Aniya, “Luhhh epal oh.”
Ang tinutukoy ng netizen ay si Dapitan Mayor Bullet Jalosjos na matatandaang na-link kay Dominic matapos ang breakup nila ni Bea Alonzo.
Matatandaang natsismis pa na si Mayor Bullet ang dahilan ng hiwalayan ng aktor at ni Bea.
Nilinaw naman ito ni Mayor Bullet at sinabing walang katotohanan ang alegasyong ito.
