‘Nakaraan’ ni joem, tampok sa comeback movie ni Quen
May dala na namang nakakadurog-pusong kanta ang upcoming artist na si joem.
Pinamagatang Nakaraan, tampok ang kanta sa comeback movie ni Enrique Gil na I Am Not Big Bird.
Matapos mangalahating milyong streams ng kanyang kantang Pangako, ani joem, ang Nakaraan ay mas nakaka-broken hearted pa.
Ito ay mapapakinggan na sa Spotify, Apple Music at YouTube Music.
Sa I Am Not Big Bird, ginagampanan ni Enrique ang papel ni Luis, isang 30-anyos na virgin na iniwan ng kanyang girlfriend.
Pupunta siya sa Bangkok kasama ang kanyang mga tropa para maka-move on.
Doon, mapagkakamalan siyang si “Big Bird,” isang sikat na Thai porn star.
Ang I Am Not Big Bird ay isang comedy film na may tearful moments rin tampok ang Nakaraan ni joem.
Siguradong makaka-relate ang mga sawi sa pag-ibig sa kantang ito, lalo’t higit ‘yung mga iniwan ng kanilang partners.
