Larawan mula sa IG/@nadine
Nadine Lustre sumabak bilang calendar girl
IBINANDERA ng award-winning actress na si Nadine Lustre ang kanyang kaseksihan para sa 2024 calendar ng isang brand ng beer sa Pilipinas.
Angat ang pagiging Diyosa ng ‘Roadkillers’ actress sa mga larawang inilabas matapos siyang ianunsyo bilang calendar girl ng local beer brand na Paraiso.
Sey ni Nadine ay masaya siya sa kauna-unahang pagsabak niya bilang calendar girl.
“I am really happy that my first calendar is with Paraiso because they are very collaborative,” wika ng aktres.
“I’m very specific when it comes to the things that I do like, I don’t like doing things I’m not really comfortable with. We all know as a calendar girl it’s a bit daring ‘di ba?” saad pa ni Nadine.
Nilinaw naman ng aktres na ang kanyang pagiging calendar girl ay hindi nangangahulugang sasabak na rin siya sa mga sexy roles.
“I don’t know if I’m going to be ready for that, maybe not,” aniya.
