CAMP VICENTE Lim, Canlubang, Laguna–Patay ang 26-anyos na misis at sugatan ang mister niya ng barilin habang nakasakay sa motor ng isa sa riding-in-tandem (RIT) sa Brgy. San Jose, Rodriguez, Rizal noong Sabado.

Binaril at napatay si Mohanna Salipada at sugatan si Zarip Salipada habang binabagtas ang Phase 1K2, Kasiglahan Village, Brgy. San Jose, Rodriguez, Rizal.

Walang babalang pinagbabaril ang mag asawa kung saan namatay ang babae dahil sa malubhang tama ng bala.

Ayon sa pulisya, dead-on-the-spot ang biktima at ginagamot pa ang mister niya sa Casimiro Ynares Hospital dahil sa mga tinamong tama ng bala.

Naganap ang pananambang dakong ala-1:20 ng madaling araw habang sakay ng Kawasaki motorcycle ang dalawa.

Tumakas ang mga suspek matapos ang pamamaril.

AUTHOR PROFILE

Gil Aman