Mindanao niyugyog ng magnitude 7.1 lindol
NIYUGYUG ng magnitude 7.1 lindol ang malaking bahagi ng Mindanao at ilang probinsiya ng Visayas, Huwebes ayon sa Philippine Institute of Volcanology and Seismology (Phivolcs).
Sa official report ng agency naramdaman ang lindol 1:46 a.m. at sumentro ang lindol 126 east, 95 kilometers south sa Governor Generoso, (Davao Oriental).
Mabilis nagbabala ang otoridad sa asahang mga aftershocks dahil na rin sa lakas ng lindol. Kasalukuyang inaalam ng mga frontliners personnel ng agency ang posibleng pinsala dinulot ng lindol.
Ayon sa Phivolcs, tectonic ang origin ng lindol at ang lalim nito sa lupa ay 039kilometers.
Ang lindol ay lumikha ng mga pagyanig sa ibat’ ibang lugar, naramdaman ang Intensity V Governor Generoso, Mati City, Baganga at Lupon Davao Oriental, Tagum City, Panabo City, Carmen, Davao del Norte, General Santos City, at Sarangani.
Naramdaman naman ang Intensity IV sa Davao City, Kiblawan, Davao del Sur, Koronadal City, Tampakan, Tupi, Polomolok South Cotabato, Glan, Malabanan, Kiamba, Sarangani, Monkayao, Davao de Oro.
Intensity III sa kabacan Cotabato, Bayugan, Augustan del Sur, Intensity II naman ang naramdaman sa Cagayan de Oro, Maasim, Arakan, Banisilan, at Cotabato, Saint Bernard, Southern Leyte, Dulag, Palo, Leyte, Surigao City.
Naramdaman din ang Intensity I sa Alangalang at Carigara, Leyte.
Pinag-iingat ng mga otoridad ang lahat ng mga residente na nakaramdam ng lindol, at pinayuhang makinig at sumunod sa mga paalaala ng mga otoridad.
