Tanong ng kongresista:

NILALARO ba tayo ni Senate President Zubiri?

Ito ang tanong ni Zambales 1st District Rep. Jefferson F. Khonghun, miyembro ng Young Guns o grupo ng mga bata at progresibong miyembro ng Kamara de Representantes bunsod ng magkasalungat na ipinakikita ng Senado sa isyu ng Charter reform.

“We are puzzled with the recent actions of the Senate with regard to their treatment of the House leadership and our institution,” ani Khonghun.

Ayon kay Khonghun inanunsyo ni Senate President Juan Miguel Zubiri noong Miyerkoles na nagkamayan sila ni Speaker Ferdinand Martin G. Romualdez at kapwa pumayag na tigilan na ang word war sa pagitan ng dalawang kapulungan at itaguyod ang propesyunal na pagtatrabaho.

“Yet, on the same day, senators resumed and even intensified their attack on the House by claiming that we inserted a P27-billion ‘ayuda to the poor’ in the 2024 national budget for the People’s Initiative campaign,” sabi ni Khonghun.

“This latest incident leaves us now wondering: Is the Senate president taking us or a ride?,” tanong nito.

Ayon kay Khonghun ang mga dokumento kaugnay ng conference committee report ng Kamara at Senado kaugnay ng 2024 national budget ay inilabas na sa publiko.

“These documents contain the signatures of senators and congressmen who approved the report, which was ratified in plenary by both the Senate and the House,” sabi ng kongresista.

Kasama sa mga pumirma sa report si Sen. Imee Marcos, na kumukuwestyon sa P26.7-bilyong Ayuda sa Kapos ang Kita (AKAP) program, na nakapaloob sa budget ngayong taon.

Ayon kay Sen. Marcos, miyembro ng conference committee, ang detalye ng report ay hindi tinalakay.

“She should have read the document in detail. AKAP was there. She should have asked questions there and then before signing it,” sabi pa ng kongresista.

Iginiit din ni Khonghun na malinaw na ang AKAP ay ipatutupad ng Department of Social Welfare and Development.

“The fund is not connected at all with the people’s initiative campaign,” sabi pa nito.

AUTHOR PROFILE

People's Tonight