Mayweather2

Mayweather docuseries, ipapalabas sa AQ Prime

September 30, 2022 Ian F. Fariñas 266 views

MALAMANG ay nasa Boracay na para magbakasyon ang world boxing champ na si Floyd Mayweather Jr. matapos ipakilala bilang mukha ng bagong streaming app na AQ Prime sa Okada Manila Huwebes ng gabi.

Bungad ng boksingero sa presscon, “We are back again in this great country. So many great people, a beautiful place, humble, respectful (people). The Filipino culture is unreal.”

Kasamang humarap ni Mayweather sa press si RS Francisco ng Frontrow Philippines na siyang naging tulay sa partnership nito sa AQ Prime.

Kwento ni RS sa maikling interbyu bago ang launch, nag-i-enjoy si Mayweather sa ’Pinas. Aniya pa, paborito ng kampeon ang mga pagkaing Pinoy tulad ng barbeque, chicken inasal at mga seafood.

Pagdating naman sa pakikipag-collab sa Pambansang Kamao na si Sen. Manny Pacquiao, sinabi ni RS na sa pagkakakilala niya kay Mayweather, “Everything is possible.”

Siyempre, winelkam din si Mayweather ng AQ Prime officers sa pangunguna ng COO na si Atty. Honey Quiño.

Isa sa mga ibinahagi ni Atty. Quiño ang pagpapalabas ng docuseries tungkol sa buhay ng sikat na boksingero by 2023.

“His life story will not only entertain people but will also inspire people to be like him…,” paliwanag ni Atty. Quiño.

Nang tanungin kung ano ang magiging highlight ng nasabing docuseries, sinabi ng 45-anyos na si Mayweather na, “Well, everything that’s been behind the scenes since 1996. Twenty-six years ago.

Everything that’s behind the scenes with family, with friends, my ups, my downs, things that you guys don’t get to see on pay-per-view, this documentary will only bring you closer to me, closer to my life. You’ll get the chance to really, really know Floyd Mayweather.”

Nangako rin ang boksingero na muli’t muling babalik sa bansa dahil “you guys have embraced me with open arms, so I just really wanna say thank you to the whole country of the Philippines.”

AUTHOR PROFILE