May asawang female personality simpleng harot
SIMPLENG lumandi ang isang female personality dahil sa malayong lugar siya nakikipagkita sa kanyang tipelyang boylet, huh!
Akala ng female personality, walang makakakilala sa kanya. Kaso nagkamali siya!
Sa isang resort nagkita ang female personality at ang boylet niya na social media personality naman. Walang pumapansin sa kanila nu’ng simula kaya malaya silang naglalambingan.
Eh, biglang dumating ang isang gay personality na kilala rin. Nakita niya si female personality na kasama ang boylet.
Hindi pa man siya tinatanong ng bading, sabi agad ni female personality, “Ay, pamangkin ko.”
Tumaas ang kilay ni accla dahil nasaksihan na niya ang lambingan ng kuno ay magtiyahin bago sila nagbatian.
Naku, madalas gumawa ng milagro si female personality lalo na’t laging abala ang kanyang asawa, huh!
BAGONG PINOY BUNDLE SA IWANTTFC
MAPAPANOOD na sa iWantTFC ang GMA Pinoy Bundle na may tatlong live streaming channels, ang GMA Pinoy TV, GMA Life TV at GMA News TV.
May Kapuso shows ding puwedeng mapanood on demand.
Nagsimula ito last July 31 at available sa US, Canada, Saudi Arabia, UK at iba pang Asian countries.
Ang ilan sa GMA shows na available ay ang “Kapuso Mo, Jessica Soho,” “Black Rider,” “Abot Kamay Na Pangarap” at marami pang iba.
