
Maris bad trip pa rin kay Anthony
Imbiyerna pa rin daw si Maris Racal kay Anthony Jennings matapos ang kontrobersyal na ‘cheating issue’ last December.
Ayon kay Ogie Diaz, nakarating sa kanya na bad trip pa rin si Maris sa ka-loveteam.
“Nabalitaan ko lang naman ‘to na parang buwisit pa rin daw si Maris kay Anthony Jennings. Baka habang binabalita natin ‘yan, eh, okay na sila,” ani Ogie.
“Kasi parang naiirita raw si Maris noong ‘Incognito’ fancon do’n sa Taguig,” dagdag pa niya.
Hirit naman ng co-host niyang si Mama Loi, parang okay na okay naman ang MaThon sa stage that time.
Sagot ni Ogie “Hindi naman sila pwedeng magpakita na gaganu’n ganu’n (imbiyerna) si Maris, siyempre.”
Pero dagdag niya, naiintindihan niya kung totoo ngang inis pa rin si Maris sa ‘Incognito’ co-star.
“Understandable ‘yon kung totoo man kasi siyempre, galing siya du’n sa ‘hindi mo kasi dinilete,’” punto ni Ogie.
Naniniwala naman ang talent manager na magkakapatawaran din ang dalawa lalo pa nga’t nagsisisi’t very apologetic naman si Anthony.