Magnitude 5.5 lindol tumama sa E. Samar, Surigao City
YINUGYUG ng malakas na magnitude 5.5 na lindol ang malaking bahagi ng Eastern Samar ng rehiyon ng Visayas at Surigao City, Sabado, ayon Philippine Institute of Volcanology and Seismology (Phivolcs).
Sa monitoring ng ahensiya, 4:25 ng umaga (Enero 28) ng maramdaman ang malakas na lindol sa Homonhon Island at tectonic ang origin ng lindol at ang lalim nito sa lupa ay 80 kilometer.
Ayon sa Phivolcs dahil sa lakas ng lindol, inaasahan ang mga aftershocks kaya’t pinag-iingat ang mga residente sa mga lugar na tinamaan ng lindol.
Sanhi ng lindol naramdaman ang Intensity IV sa Eastern Samar, sa mga lugar ng Guiuan, Lawaan, Mercedes, at Salcedo.
Kasama ang Leyte, Abuyog, Alangalang, Baybay City, Dulag, Javier, La Paz, Palo, Santa Fe, Tabontabon, Tanauan, Tolosa, gayundin ang Southern Leyte, San Francisco.
Intensity III naman ang naramdaman sa mga lugar ng General MacArthur, Eastern Samar; Babatngon, Barugo, Leyte, Pastrana, at Tunga, Leyte; and Tacloban City.
Naramdaman din ang Intensity II, sa Maydolong, Eastern Samar; Albuera, Leyte; Ormoc City; at Intensity I sa Cebu City.
