NAIYAK sina Mikeee Quintos at Paul Salas nang mapanood ang isa sa highlights ng first movie nila together, ang “Sweet As Chocolate” na si Rado Peru ang director.

Eh, kinunan ang pasabog na highlight na ‘yun sa pinakamataas na hill sa Chocolate Hills sa Bohol na ginawang tourist spot at more than two hundred steps ang kailangang akyatin para marating ang tuktok.

“Tuwang-tuwa sina Mikee at Paul nang mapanood ang rough copy ng scene. Siguro dahil first time nila together kaya hindi nila naisip na ganoon kaganda lalabas ang chemistry nila!” pahayag ni Direk Rado sa amin.

Sa Batangas naman kukunan ang iba pang eksena sa “Sweet As Chocolate” kung saan kasama rin ang Star Magic artist na si Iya Galo at veteran stars na magagaling umarte, huh!

REUNITED

REUNION nina Rhian Ramos at JC de Vera ang pelikulang “Huwag Mo ‘Kong Iwan” ng Bentria Productions.

Nagkasama sina Rhian at JC sa youth-oriented show ng GMA na “Click” kung saan na-link sila sa isa’t isa.

“Mga bata pa kami that time. Walang label ‘yung sa amin. Lagi lang kaming magkausap kasi kami ang may love interest sa isa’t isa sa series,” sabi ni JC nang ma-interview naming sa You Tube at Face Book channel na MaritesUniversity.

Kaya naman nung magsama sila sa movie, walang awkwardness.

“Natural lang ang pagkikita namin at nandoon pa rin ang closeness namin as friends,” rason ni JC.

Abangan ang “Huwag Mo Kong Iwan”sa November 27 at panoorin ang buong interview ni JC sa Marites University.

AUTHOR PROFILE

Jun Nardo