Mag-lola nalitson sa sunog
NALITSON nang buhay ang mag-lola sa Borongan City, Eastern Samar matapos masunog ang kanilang bahay noong Linggo ng madaling araw.
Nakilala ang mga nasawi na sina Lourdes Abobo, 83, at ang kanyang apo na si Lloyd Alec Legion, 25.
Batay sa ulat ng Bureau of Fire Protection (BFP)-Borongan City, nagsimula ang sunog dakong 3:15 ng madaling araw sa bahay ng mag-lola sa Barangay Tamoso, Borongan City.
Nag-overheat na gamit na de-kuryente ang pinagmulan ng sunog na idineklarang fire out matapos ang halos isang oras.
Halos hindi na makilala ang mga biktima nang matagpuan ng mga bumbero.
Tinatayang umabot sa P700,000 ang halaga ng ari-arian ang tinupok ng apoy.
