
Loren: Tigil-putukan sa Gaza pag-asa sa gitna ng trahedya
IPINAHAYAG ni Senator Loren Legarda ang suporta niya sa bagong aprubadong tigil-putukan sa Gaza na nagtatapos sa sigalot sa pagitan ng Israel at ng grupong Palestinian na Hamas simula ngayong araw, alas-8:30 ng umaga, oras sa Gaza.
Ang tigil-putukan ay naganap matapos ang 15 buwang matinding labanan sa Gaza na nagdulot ng halos 47,000 na pagkamatay ng mga Palestinian.
“This is a moment of hope in the face of an unspeakable tragedy. Families have endured unbearable pain as they lost loved ones to violence, saw their homes reduced to rubble, and were stripped of any sense of safety. I welcome this development and urge all relevant parties to uphold their commitments to the ceasefire and hostage release deal,” pahayag ni Legarda.
Sa ilalim ng kasunduan, palalayain ng Hamas ang 33 hostage sa loob ng susunod na anim na linggo kapalit ng daan-daang Palestinian na nakakulong sa Israel.
Bilang isang masugid na tagapagtaguyod ng kapayapaan, patuloy na nanawagan si Legarda para sa agarang tigil-putukan.
Sa gitna ng tumitinding krisis pantao sa Gaza, binigyang-diin ni Legarda ang pangangailangan ng integridad sa pagpapatupad ng tigil-putukan, kasabay ng panawagan sa pandaigdigang komunidad na bantayan ang progreso nito at tiyaking mananagot ang lahat ng partido.
“This ceasefire must be more than a temporary pause in hostilities. It must open pathways for unhindered humanitarian aid and establish the groundwork for rebuilding lives and communities devastated by the conflict,” aniya.
“It must enable the full recovery of Gaza, ensuring the safe return of millions displaced by the conflict and the reconstruction of essential infrastructure, including education, healthcare, livelihood and food security systems.”
Nakipagtulungan din si Legarda sa Department of Justice’s Refugees and Stateless Persons Protection Unit (DOJ-RSPPU) upang subaybayan ang mga aplikasyon ng refugee status ng mga Palestinian na naapektuhan ng sigalot.
“This effort aligns with the Philippines’ obligations as a signatory to the 1951 Refugee Convention and its 1967 Protocol. By upholding these international agreements, we ensure that refugees are afforded the dignity and security.” Ani Legarda
Bilang signatory sa Refugee Convention at Protocol nito, may obligasyon ang Pilipinas na protektahan ang karapatan at kapakanan ng mga indibidwal na tumatakas mula sa pag-uusig at sigalot batay sa lahi, relihiyon, nasyonalidad, o paniniwala.
Pinuri rin ni Legarda ang diplomatikong pagsisikap ng Qatar, Egypt, at Estados Unidos sa pagbubuo ng tigil-putukan at nanawagan ng patuloy na internasyonal na kooperasyon upang makamit ang pangmatagalang kapayapaan sa rehiyon.
Sa isang advisory opinion na inilabas noong Hulyo 19, 2024, idineklara ng International Court of Justice (ICJ) na iligal ang patuloy na presensya ng Israel sa Occupied Palestinian Territory. Inatasan din ng ICJ ang Israel na tapusin ang okupasyon nito agad-agad at magbigay ng kabayaran sa lahat ng naapektuhang indibidwal at entidad.
“While this deal brings relief and renewed hope, it must not distract us from the imperative of confronting the deeper, systemic issues that undermine the prospects for enduring peace. Peace cannot flourish where oppression, marginalization, and inequity persist,” pahayag ni Legarda.