Ni-reveal na ni Ellen Adarna ang pangalan ng unang anak nila ni Derek Ramsay. Kumpirmado na ring baby girl ito.

Sa Instagram Story ng dating aktres ay ipinakita niya ang mga binili niyang personalized Christmas cards na obviously ay gagamitin nila sa mga ipamimigay na regalo ngayong Pasko.

Makikita sa card na naka-print ang pangalan nilang mag-anak – Derek, Ellen, Elias & Liana.

So, “Liana” ang name ng baby nila ni Derek.

Wala nang inilagay na caption si Ellen.

Bukod dito, paunti-unti ay nire-reveal na rin niya ang mukha ng sanggol.

Sa IGS niya kahapon ay makikita ang reel na hinahalikan niya si Baby Liana at briefly ay nakita ito sa camera kahit hindi close-up.

Sa isang post naman recently ay ipinakita ni Ellen ang kalahati ng cheek ni Baby Liana hanggang sa tenga nito.

Bitin na bitin naman ang netizens at inaabangan na nila ang full face reveal ng baby.

Matatandaang nagulat ang marami nang biglang mag-post si Derek noong October 23 ng new-born baby nila ni Ellen dahil hindi nila inanunsyo ang pagdadalang-tao ng aktres.

Sinagot ni Ellen after a few days ang isang netizen na nagsabing itinago niya ang kanyang pagbubuntis.

“Alam naman ng friends and family and ‘di ko naman tinatago when I go out, crop top ako kahit malaki tiyan. I just didn’t announce because I don’t need to. I want a quiet and peaceful pregnancy.

Last thing I need are opinions from people I don’t know and unsolicited advice,” paliwanag niya.

AUTHOR PROFILE

Vinia Vivar