Lalaki patay sa pamamaril; suspek ‘di nahuli
BIGO ang mga pulis na mahuli ang pumatay sa isang lalaki sa harap ng kanyang bahay sa Brgy. Balibago, Lian, Batangas noong Huwebes.
Isang residente ang nag-report sa mga otoridad na binaril at napatay si alyas Noel, 43, na residente ng Purok 2, Brgy. Balibago.
Base sa imbestigasyon, nasa gate na ng bahay ang biktima nang biglang dumating ang suspek at pinagbabaril siya ng ilang beses na naging sanhi ng agaran niyang kamatayan.
Matapos ang pamamaril, tumakas ang suspek sa hindi malamang direksyon.
Naka itim na jacket, mahigit 5 feet ang taas at katamtaman ang katawan ng salarin, ayon sa mga saksi.
