Tinatanong ni P/Lt. Col. Melvin Florida, hepe ng MPD Raxabago police Station 1, ang biktima habang nagpapagaling sa saksak ng suspek na hindi nahuli.
Lalaki naglakad kasama ng syota na iba, kinadyot
AGAW-buhay ang lalaki na kinadyot ng nagselos na lalaki dahil nakita siyang naglalakad kasama ang jowa ng nanaksak sa corner ng Herbosa at C.P. Garcia Sts., Brgy. 112, Tondo, Manila noong Biyernes.
Nakatakas ang suspek na si alyas Ompong matapos ang krimen habang inoobserbahan sa ospital ang biktima na nakilalang si alyas Aaron Paul.
Ayon sa salaysay ng girlfriend ng suspek na si alyas Beng, naglalakad sila ng biktima nang biglang sumulpot ang suspek at galit na galit na kinompronta ang biktima hanggang sa tinarakan ng patalim sa kaliwang bahagi ng katawan ito bandang alas-11:20 ng umaga.
Naisugod ang biktima sa Gat Andres Bonifacio Medical Center.
Rumesponde sa crime scene sina Police Master Sergeant Karl Hector Cruz at Police Staff Sergeant Wilson Cruz pero nakatakas ang suspek.
