ULTIMATE fangirl moment para sa Filipina singer-actress at content creator na si Kristel Fulgar ang ma-meet sa personal at makasama sa pictures ang kanyang ultimate idol na South Korean singer-actor na si Seo In-Guk.

Ibinahagi nga ng singer-actress sa kanyang social media pages ang maituturing niyang ‘dream as a fangirl’ na kanyang na-accomplish nitong Sabado, Agosto 12. Sa backstage ng New Frontier Theater, nakasama ng TV personality si Seo In-Guk na katatapos lamang ang kanyang first fan meeting dito sa Pilipinas.

“Nevertheless… I have accomplished it!!!” pahayag ni Kristel sa caption ng kanyang posts.

Si Kristel sana ang magiging host ng nasabing fan meeting ng kanyang South Korean idol, pero ilang oras bago magsimula ang event, inanunsyo niya na hindi na matutuloy ang kanyang pagho-host dahil sa hindi inaasahang mga pangyayari.

“While I am saddened by this turn of events, I understand that decisions are made beyond our control,” aniya.

“I want to assure you all that my support for Seo In Guk remains steadfast. He is an amazing artist, and I will continue to cheer him on in his endeavors,” dagdag pa ni Kristel.

Hindi naging malinaw ang biglaang hindi pagho-host ni Kristel sa event. Ang pumalit sa kanya sa araw ng event ay ang dating Pinoy Big Brother housemate at former radio DJ na si Karen Bordador.

Sa araw ng pagpo-post ni Kristel ng mga larawan kasama ang idolo ay ang isang Instagram story na may mensaheng, “Thank you to my friends and supporters who showed their concern to what happened last Saturday. I just want you guys to know that I am okay. Despite the unforeseen circumstances, the most important thing is that I enjoyed the event and fulfilled my dream as a fangirl.”

AUTHOR PROFILE

People's Tonight