Kim, pinalakas ang loob ng mga kasamahan sa ‘It’s Showtime’
Naglabas ng madamdaming mensahe si Kim Chiu para sa kanyang It’s Showtime family matapos patawan ng 12-day suspension ng Movie and Television Review and Classification Board (MTRCB) ang nasabing noontime show kung saan ay isa siya sa hosts.
Sa Instagram kahapon ay nagbigay ng lakas ng loob si Kim sa mga kasamahan.
“FAMILY! @itsshowtimena family mahal ko kayong lahat!!!! ano man ang mangyari basta’t magkakasama tayo. Together as One!” ang mensahe ni Kim.
Matatandaang nitong Lunes, September 4, ay naglabas na ng desisyon ang MTRCB hinggil sa reklamo ng mga manonood sa umano’y indecent act ng magkarelasyong Vice Ganda at Ion Perez sa “Isip-Bata” segment ng It’s Showtime noong July 25.
