Ken may cryptic post sa IG
NAGTATANONG ang netizens kung bago o luma ang last post ng Sparkle artist na si Ken Chan sa kanyang Instagram.
Cryptic din ang meme na nakalagay na may caption na, “Imaginary friends.”
May pinagdaraanan ngayon si Ken, ayon sa malalapit sa kanya. Tila may kinalaman ito sa mga negosyong itinayo.
Pilit nga naming kinukontak ang isang taong malapit sa kanya pero dedma siya sa text namin.
Pinatay na ang character ni Ken sa “Abot Kamay Na Pangarap.”
Ano na kaya ang nangyari sa movie na gagawin niya sa Japan at si Jillian Ward ang makakasama niya?
Totoo bang nasa ibang bansa na si Ken?
40TH DAY
HINDI nakalimot sina Maricel Soriano at Lovi Poe na alalahanin si Mother Lily Monteverde sa 40th day ng pagpanaw ng Regal Entertainment produ.
Of course, present sa okasyon ang Monteverde siblings, led by Roselle and Meme, pati na ang ilang malalapit na friends ng family.
May misang inialay para kay Mother na dinaluhan nina Annabelle Rama, Ricky Davao, Joel Lamangan, Malou Choa-Fagar at ibang press na malapit na malapit sa Regal matriarch.
Eh, kahit wala na si Mother, ipinagpapatuloy ni Roselle ang pagmamahal sa movie industry dahil bukod sa TV series sa GMA, ongoing din ang shooting ng pelikulang “Untold” na si Jodi Santamaria ang bida at target na makasali sa 2024 Metro Manila Film Festival (MMFF).
