True kaya ang tsika tungkol kay Ken Chan na diumano ay tumalilis siya patungong ibang bansa para makaiwas sa pagkakaaresto?

Sa latest episode ng online show ni Ogie Diaz ay isa ito sa mga napag-usapan ni Ogie at ng co-host na si Mama Loi.

Ayon kay Mama Ogs, marami ang nagtatanong kung si Ken ang tinutukoy sa lumabas na blind item tungkol sa isang aktor na natigok sa serye at lumipad umano patungong ibang bansa para takasan ang kaso.

May mga humuhulang si Ken ito dahil nga biglang pinatay ang karakter ng aktor sa Kapuso afternoon series na “Abot Kamay na Pangarap.”

Ayon kay Ogie, dati nang may nagdemanda kay Ken na diumano’y kasosyo sa negosyong restaurant. Hindi raw kasi naging maganda ang turn-out ng nasabing business.

Tsika pang nakarating kay Ogie, binabawi umano ng kasosyo ni Ken ang share nito sa itinayong restaurant na hindi nagawa ng aktor dahil nga pareho naman silang nalugi.

“Pero hindi namin alam kung ‘yun nga ‘yun, ha?’ Kasi ‘yun lang ang nakarating sa amin. ‘yung tungkol sa restawran,” sey ni Ogie.

Ayon pa sa kanyang source, hanggang ngayon ay hindi pa umano tapos ang kaso.

Ibinahagi rin ni Ogie na tinatawagan niya si Ken para sa panig nito pero hindi raw ito sumasagot.

Ipinauna rin ni Mama Ogs na hindi pa confirmed kung talagang nagtatago si Ken kaya nagtungo sa ibang bansa at baka naman talagang nagbakasyon lang ang aktor.

Bukas ang People’s Tonight para sa panig ni Ken tungkol sa bagay na ito.

AUTHOR PROFILE

Vinia Vivar