YARI–Timbog ang isang suspek at nasabat sa kanya ng mga pulis ang mahigit na P4.7 milyong halaga ng shabu sa Sta. Cruz, Manila. Kuha ni JonJon Reyes
Kelot tiklo sa P4M shabu
NASABAT nang mga operatiba ng Station Drug Enforcement Unit (SDEU) ng Manila Police District-Meisic Police Station 11 ang mahigit P4 na milyong halaga ng shabu sa panulukan ng Soler at Rizal Avenue Sts. sa Brgy. 304, Sta. Cruz, Maynila noong Biyernes.
Natimbog ang suspek na si alyas Anday matapos masabat ang droga.
Ayon sa ulat ni Police Lieutenant Colonel Roberto Mupas, hepe ng MPD Binondo Police Station 11, bandang alas-11:00 ng gabi nang isagawa ang operasyon.
Narekober ng mga operatiba ang 2 plastic sachet na may nakalagay na 700 gramo ng shabu na katumbas ng halagang P4,760,000.
