Kelot tigok sa boga, 1 suspek tiklo sa Malvar
ISANG lalake ang tinodas at arestado ng mga pulis ang isa sa mga suspek na bumira umano sa bitktima matapos tumakas sakay ng isang motorsiklo at habulin ng mga otoridad sa Barangay San Fernando, Malvar, Batangas Martes ng umaga.
Ayon kay Malvar Municipal Police Sation (MPS) chief P/Maj. Jonathan S. Amutan, ang biktima ay nagtamo ng tama ng bala ng kalibre 9mm pistola.
Sa inisyal na imbestigasyon, dakong alas 6:20 ng umaga, Hunyo 13, 2023, sa nasabing lugar, ang mga tauhan ng Malvar MPS ay kasalukuyang nagsasagawa ng mobile patrolling sa kahabaan ng J.P. Laurel Highway sa naturang lugar nang makarinig ng dalawang putok ng baril malapit sa Uno Gas station.
Napansin nila ang dalawang kalalakihan na nakasuot ng itim na jacket, at ang isang suspek na may hawak na baril habang nagmamadaling sumakay ng motorsiklo at mabilis na tumakbo patungo sa Bgy. Luta Norte ng nabanggit na bayan.
Sa kursong iyon, hinabol agad ng mga pulis ang sinasakyang motorsiklo ng dalawa sanhi ng pagkaaresto ng isa sa mga suspek habang nakatakas naman ang kasama nito.
Narekober ng pulisya ang bangkay ng biktima katabi ang isang basyo ng bala ng kalibre 9mm sa pinangyarihan ng insidente.
Patuloy ang ginagawang follow-up operation ng mga pulis para sa posibleng pagkakakilanlan ng isa pang suspek.
Ang grupo ng Scene of the Crime Operatives (SOCO) ay patuloy ang ginagawang imbestigasyong teknikal.
