Kelot na Chinese nat’l nanangay ng Fortuner sa Clark
PINAGHAHANAP ng pulisya ang isang Chinese national na umano’y kumuha ng puting Toyota Fortuner na hindi kanya noong Lunes sa Mabalacat City, Pampanga.
Sa ulat kay Police Regional Office (PRO)-3 director Brig. Gen Jose Hidalgo Jr., naninirahan sa D’Heights Villa, Clark Freeport Zone, Mabalacat City ang suspek na si Xiao Yuan Wang, 25.
Ayon sa complainant na si Trixie Ann Flores, 26, ng Purok 3 Sto. Domingo, Lubao, Pampanga, galit na kinuha ng suspek ang susi ng Fortuner (CAG 6301) sa kanya matapos magalit sa kanyang asawa na si Shi Shao Feng habang sila’y nasa pool area ng Royce Hotel sa Clark Freeport Zone.
Una muna niyang nakita niya ang kanyang asawa na nakaupo sa pool area na nakikipag-usap sa suspek at ilan pang Chinese na lalaki.
Nang papalapit na siya sa kanyang mister, biglang galit na sumigaw ang suspek sa kanyang mister dahilan para awatin niya ang ma ito.
Pagkatapos, bumaling ang suspek sa kanya at sapilitang kinuha ang susi ng sasakyan at inutusan silang umalis sa lugar at pinaandar na ang sasakyan.
