Kelot epic fail sa pagpuslit ng shabu sa rehab center
HINDI nagtagumpay ang tangkang pagpasok ng isang drug suspect ng 50 gramo ng shabu sa rehabilitation center sa Calamba City, Laguna nang maharang ng guwardiya ng pasilidad.
Kinilala ni PLt. Col. Milany Martirez, hepe ng Calamba City police, ang suspek na si Chris Joseph Varias Ferre. Ayon sa pulisya, dati nang napasok sa naturang rehab center ang suspek.
Base sa report, dakong alas 4:00 ng hapon nang papasok na ang suspek sa Seren Persona Enhancement Center nang sitahin ni Ricardo Tungcuk Pader Jr., guwardiya ng rehab center.
Nang kapkapan, doon na nabuking ang dala nitong 50 gramo ng shabu na nagkakahalaga ng P340,000 na nakalagay sa gray body bag na dala ng suspek.
Buko sa dalang shabu, nabawi rin mula sa suspek ang isang weighing scale.
Ayon sa pulisya, kinagawian na ng suspek ang pumasok at lumabas sa naturang lugar mula nang lumabas dito matapos ma-rehab.
