NAHULI noong Huwebes ng mga pulis ang isang lalaki at kasama niyang babae na may baril, bala at droga na nagkakahalaga ng P680,000 sa police buy-bust sa Brgy. San Pedro, Sto. Tomas City, Batangas.

Tinaguriang “high-value suspects” ang dalawa na nakilala na sina alyas Arnel at alyas Jovelyn, ayon kay Batangas police chief Col. Jacinto Malinao Jr.

Naaresto sila ng mga operatiba ng Sto. Tomas City police sa pakikipag-koordinasyon sa Philippine Drug Enforcement Agency (PDEA).

Narekover mula sa kanila ang 12 sachet na may lamang shabu na tumitimbang ng humigit-kumulang 100 gramo at tinatayang nagkakahalaga ng P680,000, isang P1,000 buy-bust money, 99 na piraso ng tig-P1,000 (boodle money), isang cellular phone, timbangan, isang caliber 38 revolver, limang bala at isang Yamaha NMAX (279 DMB).

AUTHOR PROFILE

Jojo C. Magsombol