Jolens niregaluhan ng pink bicycle ni Mark
Birthday ni Jolina Magdangal noong Nov. 6 at niregaluhan siya ng mister na si Mark Escueta ng isang pink bicycle.
‘Kaaliw nga ang post ni Mark sa Instagram dahil birthday ni Jolens pero hindi nila ito kasama dahil nasa taping ito ng seryeng “Lavender Fields.”
“Birthday ni Jolina ngayon pero di pa namin siya nakakasama dahil may taping ang #LavenderFields. 5am siya umalis kaninang umaga.
“Nagkita lang kami kagabi pag-uwi ko galing gig kaya nagka chance na mabigay ko ang regalo niyang Hot Pink na Brompton,” kwento ni Mark.
“Congratulations sa success ng Lavender Fields at sa bagong Omron and Neurogen-E Endorsements mo,” sey pa ng lead vocalist ng Rivermaya.
“Sobrang proud kami sayo, intay ka lang namin maka-uwi para maka celebrate tayo. Happy Birthday Mahal, we love you very much!!!” mensahe pa ni Mark sa misis.
