Naging “Binilyn Mercado” si Jennylyn Mercado nang gayahin niya ang sayaw ng sikat na girl group na BINI. Ginaya rin niya ang suot at ayos ng isa sa miyembro na si Mikha.

Ipinost ni Jen sa Instagram ang video kung saan ay makikita siyang sumasayaw sa music ng hit single ng BINI na “Salamin Salamin.”

Ang cute nga ng aktres habang sumasayaw at nagmukha siyang teen-ager sa kanyang outfit at hairstyle.

Mapapanood din sa video na dinalaw ni Jen ang creative director/record producer ng ABS-CBN Music na si Jonahan Manalo.

Pagpasok niya ng room ay nagbeso sila at sey ni Jen kay Jonathan, “’di mo ‘ko nakikilala? Binilyn Mercado,” sabay-tawa.

Sey pa niya tungkol sa kanyang outfit, “actually, suot ‘to ni Mikha. Hiniram lang namin” at natawa ulit.

Aniya sa caption, “Hi! Ako nga pala si BINI-LYN Mercado . Sir @jonathanmanalo happy happy birthdaaaaaaay! Para sayo talaga to. Be haaaaaappppppy!”

Pinuri naman ng netizens ang video ni Jen at sey din nila, parang 16 years old lang ang aktres.

AUTHOR PROFILE

Vinia Vivar