PROUD mom si Jackie Forster sa pagrampa ng anak na si Kobe Paras sa New York Fashion Week. May mensahe rin si Jackie kay Kyline Alcantara na nali-link ngayon kay Kobe.

Sa Instagram, ibinahagi ni Jackie ang video compilation ng pagrampa ni Kobe sa naturang fashion event para sa brand na Millari.

“We are so ready for it! Kobe walking at #NYFW for @milarri_” saad ni Jackie sa caption.

Nagkomento naman si Kobe sa naturang post ng kanyang ina na, “I love you so much mama,”‘ na may kasamang red heart emojis.

“I love you more! See!? It only took me two days to make the video so proud of you two keep pushing pass your comfort zone my beautiful talented boy! Anything is possible,” tugon ni Jackie sa anak.

Nagkomento rin si Kyline sa post ni Jackie na may tatlong white heart emojis.

Tugon dito ni Jackie para kay Kyline, “Sky is the limit for you two!”

Rumampa rin sa naturang event si Kyline para sa Filipino fashion designer na Chris Nick’s Spring/Summer 2025 show.

Walang pagkumpirma mula sa dalawa tungkol sa tunay nilang relasyon, pero inihayag ni Kyline sa isang panayam na masaya siya ngayon.

Nadine masaya sa big comeback

MASAYA si Nadine Samonte sa kanyang big acting comeback sa upcoming Kapuso afternoon series na “Forever Young.”

Kasama ni Nadine sa proyekto ang “Firefly” award-winning child star na si Euwenn Mikaell.

Gaganap na mag-ina sa serye sina Nadine at Euwenn, na magbibigay ng matinding emosyon sa mga manonood.

“Sobrang natuwa ako sa GMA kasi nabigyan ako ng chance na mailabas ko ‘yung acting ko. Masasabi ko dito talagang binigay ko ‘yung best ko talaga kasi parang, sabi ko, ‘This is my comeback.’

They really need to watch, it’s nakaka-touch. Iba talaga ‘yung bonding namin and connection namin ni Euwenn, malalim,” saad ng aktres.

Puring-puri din ni Nadine ang child star na iba raw mag-isip sa edad nito.

“Si Euwenn ang direktor namin dito. Minsan siya ang director, siya yung lapel, lahat siya na. Alam mo ‘yun lahat pabiro pero iba talaga yung isip ni Euwenn, hindi siya isip bata eh, sobrang mature niya mag-isip,” natatawang sabi ni Nadine.

Ang “Forever Young” ay kuwento ng isang 25-anyos na si Rambo (Euwennn), na nakakulong sa katawan ng pang-10-taong-gulang dahil sa rare medical condition na panhypopituitarism.

Kasama sa cast sina Michael de Mesa, Eula Valdez, Alfred Vargas, Chanda Romero, Althea Ablan, Yasser Marta, Matt Lozano, Bryce Eusebio, at James Blanco.

Vilmark proud sa latest single

PROUD ang Kapuso singer-songwriter Vilmark sa latest single niya under GMA Music na “O Jo!”. Isa itong heartwarming love song that pays homage to his roots and celebrates the beauty of Kapampangan culture.

“O Jo!” is a term of endearment in Kapampangan, inspired by Vilmark’s personal experiences as a witness sa pagmamahalan ng kanyang parents.

“I hope the song will inspire listeners to embrace their heritage and celebrate the power of love. I hope people will feel kung paano magmahal ang isang Kapampangan. This is my first single about love and I’ve been waiting for this perfect time to finally release a love song,” sey pa niya.

Stream Vilmark’s “O Jo!” on digital platforms worldwide.

Brent nag=trending sa social media

NAGING big break ng Sparkle artist na si Brent Valdez ang Widows’ War ng GMA Prime.

Gumaganap si Brent bilang si Peter na isang impostor na Palacios. Habol niya ay ang nakuha ng malaking pera sa kanyang mga amo. Pero may pumatay sa kanya sa serye.

Nag-trending si Brent sa social media dahil sa husay nang pagganap nito. Kabilang na ang character niya sa mga unsolved murders sa Widows’ War.

Taong 2015 nung sumali si Brent sa reality talent show ng GMA na To The Top. Di man siya sinuwerte na manalo, pero kinuha siya para umawit ng ilang teleserye theme songs. Naging member din siya ng GMA boy band noon na One Up.

Lumabas din si Brent sa mga teleserye na Beautiful Justice, Legal Wives, and Artikulo 247.