Si Phillip Salvador pala ang first choice sana ni Direk Darryl Yap para gumanap sa papel ni former Senator Ninoy Aquino sa sequel ng Maid in Malacañang na Martyr or Murderer.

Pero hindi raw kasi swak sa personalidad ng yumaong ama ni Kris Aquino plus may conflict din daw sa schedule.

“The schedule, the physique, the looks, it’s not really the Ninoy type. So, I was asking Sen. Imee (Marcos) sa approval and Sen. Imee said to me, ‘I don’t want to meddle when it comes to choosing who the Ninoy is because I don’t have any power. When it comes to casting, it will be Viva,’” pagbabahagi ni Direk Darryl sa mediacon ng MoM.

Kaya tinanong daw niya ang Viva bosses kung sino ang pwedeng i-cast at marami raw actually siyang aktor na naisip.

“I want to work with sir Christopher de Leon, I want to work with those people who played Ninoy before even in Eskapo. You know, they have Goma (Richard Gomez), they have… a lot,” aniya.

Na-consider din daw niya si former Quezon City Mayor Herbert Bautista at pagbibiro pa niya, “You know, to make Ruffa (Gutierrez who is also part of the movie) happy.”

Hanggang sa bandang huli ay nakita raw niya na si former Manila Mayor Isko Moreno ang mas bagay sa role.

“When I’m hearing the interviews and videos of former Senator Ninoy, the eloquence, the fluency in both Filipino and English, the kind of appeal that only Ninoy and Ferdinand (Marcos), na sila lang ang meron, I think, the only actor/politician that can be a good match to Cesar Montano is Isko Moreno,” sey ng direktor.

May nagtanong naman kung bakit nasa ibaba ng poster ang pangalan ni Isko at wala sa itaas na kasama ng mga bida, ayon kay Direk, wala siyang ideya kung paano ginagawa ang billing at ang management daw ang siyang nagdedesisyon tungkol dito.

Pero kahit nasa ibaba raw ang name ni Yorme, siniguro ni Direk Darryl na hindi ito makakaapekto sa movie, lalo na nga kapag napanood ang performance nito.

“Isko is shining in this movie,” deklara ng controversial director.

Mapapanood na sa mga sinehan worldwide ang Martyr or Murderer simula March 1.

Kasama rito ang ilan sa original cast ng MiM na sina Ruffa Gutierrez, Cristine Reyes, Diego Loyzaga, Ella Cruz, Beverly Salviejo pati na rin ang mga bagong karakter na sina Marco Gumabao, Cindy Miranda, Franki Russell, atbp.