Larawan mula sa IG/@chinitaprincess
Isla pinainit ni Kim Chiu sa bikini body
PINAINIT ng TV host-actress na si Kim Chiu ang isang isla sa Quezon province matapos niyang ibandera ang kanyang kaseksihan.
Sa Instagram page ng ‘It’s Showtime’ host, ibinahagi niya ang ilang larawan ng kanyang naging bakasyon sa Balesin Island, Polillo sa nasabing probinsya.
Makikitang todo awra si Kim habang suot ang kanyang two-piece na green bikini.
“Grateful for small things, big things and everything in between!” sey ng TV host-actress sa caption ng kanyang post.
Hanga naman ang netizens sa pagbabandera ni Kim sa kanyang bikini body at inulan pa nga ng reaksyon sa kanyang comment section.
“Ganyan! Ipakita na yung sexy 2 piece mo Kimmy., total single ka nanaman. tas sabihing mo, Hello ako nga pala yung sinayang mo! Ganerrrnnn.”
“Lahat ng nakipag break lalong nag blooming. We love u kimmy.”
“Ang sexy naman.”
Matapos maging usap-usapan sa social media, kamakailan lamang ay kinumpirma na ni Kim at ng aktor na si Xian Lim na tapos na ang kanilang halos 12 taong relasyon.
AUTHOR PROFILE
Showbiz
