INA, 2 ANAK PINAGBABARIL, PATAY!
PATAY ang isang ina at dalawang menor de edad na anak ng mga ito matapos na pagbabarilin ng hindi pa nakikilalang suspect nitong Miyerkules ng gabi sa Barangay Buenavista, Himamaylan City, Negros Occidental.
Nakilala ang nasawing ginang na si Emilda Susano Fausto, 49.
Patay din ang dalawang anak ng ginang na nasa edad na 15 at 11 matapos na magtamo ng tama ng bala sa katawan.
Sa ulat ng PNP, naganap ang insidente dakong 10:00 ng gabi sa tahanan ng mga biktima.
Ang insidente ay iniulat ng anak na babae ng biktima sa pulisya dakong 6:15 ng umaga.
Umapela naman si Colonel Leo Pamittan, Director ng Negros Occidental Provincial Police Office sa sinomang nakakita ng insidente na tumulong upang mabigyang linaw ang pagpaslang sa mag-iina.
