KAMPO HENERAL MIGUEL MALVAR, Batangas – Arestado ng mga otoridad ang isang tinaguriang high value individual (HVI) nang mahulihan ng shabu at boga sa buy-bust opearation sa Bgy. Dela Paz Proper, Batangas City, noong Miyerkules.

Ayon sa report ni Batangas Provincial Director Col. Samson B. Belmote kay Acting Police Regional Office Calabarzon (Cavite/Laguna/Batangas/Rizal/Quezon) Director Police Brigadier General Paul Kenneth T. Lucas ang suspek ay dinakip bandang 10:55 p.m. ng December 13, 2023 ng City Drugs Enforcement Unit (CDEU) personnel ng Batangas City Police Station (PS).

Nakarekober mula sa suspek ang 1 heat-sealed transparent plastic sachet na naglalaman ng hinihinalang shabu na may timbang na 170 gramo at tinatayang nasa standard drug price na P1,173,000; P1000 bill na may serial number na WS133162, isang Para Ordnance kalibre .45 pistol na may serial number 182575; isang kalibre .45 magazine, at pitong pirasong bala para sa nabanggit na sandata.

Kasalukuyang nakaditene ang suspek sa piitan ng lungsod para sa dokumentasyon at kaukulang disposisyon.

AUTHOR PROFILE

Jojo C. Magsombol