Balak palang isama ni Heart Evangelista ang dog niyang si Panda sa Paris pero hindi pala ito ganu’n kadali.

“I’m very, very sad to discover that if you want to take your dog to Paris, it’s not very easy and I feel that Panda is very maarte, so you have to quarantine them or something for 30 days at the facility if I’m not mistaken,” sabi ni Heart sa kanyang Instagram Live a few days ago.

Pati nga raw si Panda ay nalungkot na hindi siya makakasama “pero parang tanggap na niya na magkakaroon po ako ng anak sa labas aside from her,” sey ni Heart.

Kasalukuyang nasa Paris ang Kapuso actress para sa Paris Fashion Week. Dahil matagal na nga siyang hindi nakikita ng fans niya, naisip niyang mag-live stream.

May nangumusta sa kanya at sagot ni Heart, she’s okay, super tired but happy.

Of course, may mga nagtanong sa kanya about Sen. Chiz pero mukhang hindi pa siya ready na sagutin ang tungkol sa mga bali-balita dahil hindi niya binabasa ang anumang tanong about him.

Hindi pa masabi ng aktres kung kailan siya uuwi ng ’Pinas.

MUSIC AT FASHION SA ISANG EVENT

Tiyak na magmamarka sa larangan ng fashion, music, arts at denim ang 20th anniversary celebration ng Macbeth this year dahil sa malaking pasabog.

Sa mediacon para sa nasabing big event, tiniyak ng direktor ng Macbeth’s 20th Anniversary Show na si Benjie Estanislao na kakaiba at bago ang konsepto ng magaganap sa October 8 sa Metrotent Convention Center sa Pasig City.

“It is a big surprise, a normal big event where there are two bands set-up in two different stages and and at the same time a catwalk in both set-up pero leading them both in one. This is a show you want to see na superbands and you have a fashion shows. There’s a lot, lot more, iba-ibang surprises din ito,” pahayag ni Direk Benjie.

Dagdag pa niya, kakaibang experience ang ibibigay nila sa mga dadalo sa event.

“This is the first time I believe, na in the Philippine history, to have a big event in this magnitude, putting bands and a fashion show at the same time. Parang ‘yung sa Victoria’s Secret with Maroon 5 kaya lang sa kanila isang band lang, dito two bands,” he said.

Ang mga singer at bandang kasama sa show ay sina Rico Blanco, Mayonnaise, Chocolate Factory, Sandwich, Chelsea Alley, Urbandub, Hilera, Even, Snakefight, Sucketseven, Fragments, Chndtr, Fastpitch, Soapdish, Written By The Stars, Divina, Lilith, Shotgun Combo, Imbue No Kudos, Rouge at Macbeth All-Stars at Superband.

Ang 20th anniversary show rin ang official launch ng Lady Macbeth at Macbeth Underwear. Magbubukas ang gate ng 11 a.m.