Gumanti sa gulpi, kelot utas
HULI noong Linggo ang isang babae matapos saksakin at mapatay ang ka live in sa Kabilang Ibayo, Brgy. Wawa, Tanay, Rizal.
Nangyari ang pananaksak bandang alas-8:00 ng gabi sa nabanggit na lugar.
Kinilala ang napatay na si Ryan Lozano Ebio, 29, tricycle driver, at si alyas Mary, 29, ang suspek, live in partner ng biktima.
Base sa imbestigasyon, bandang alas-8:00 ng gabi nang dumating ang lasing na biktima sa kanilang bahay at pinag-gugulpi si alyas Mary sa hindi malamang dahilan.
Nagalit si alyas Mary kaya kumuha ng kutsilyo at pinagsasaksak ang ka live-in.
Naisugod ang duguang lalake sa Margarito Duavit Memorial Hospital, Binangonan, Rizal ngunit patay na nang idating, ayon sa doktor na sumuri.
