Glaiza

Glaiza bagong leading lady ni Xian

November 11, 2021 People's Tonight 220 views

Sinalubong agad ng trabaho ang Asia’s Drama Gem na si Glaiza de Castro paglabas ng hotel quarantine na mandatory requirement ng DOH at IATF sa mga nag-a-abroad.

Dinalaw ni Glaiza ang Irish fiancé na si David Rainey sa Ireland almost two months ago at bumalik lang siya ng bansa nitong November 2.

Paglabas ng quarantine facility ni Glaiza, pahinga lang siya ng ilang araw sa kanilang bahay at nu’ng Miyerkules ng hapon, November 10, humarap siya sa entertainment press at bloggers para sa launch at contract signing ng kanyang latest product endorsement na Endless Beauty by HBS na pag-aari ni Madam Jamie Prado.

“I am also a De Castro fan at idol ko na talaga siya ever since,” sagot ni Madam Jamie kung bakit si Glaiza ang napili niyang celebrity endorser. “I admire her versatility as a performer. Whether she’s doing comedy or playing kontrabida, very effective talaga siya.”

Dagdag niya, “Just like our Endless Beauty products, it is very effective and are suited for anybody. It is the best you can find in the market.”

Samantala, kumpirmado nang si Glaiza ang bagong leading lady ng former Kapamilya actor na si Xian Lim sa sisimulang romcom mini-series na False Positive ng Kapuso Network.

Ang False Positive ang ipapalit sa Die.Love.Repeat. na on-hold until next year dahil sa maselang pagbubuntis ni Jennylyn Mercado sa first baby nila ng Kapuso actor na si Dennis Trillo.

Kung walang magiging aberya, nakaiskedyul na ang hotel quarantine nina Glaiza, Xian at iba pang cast members at production staff sa November 17.

Ang lock-in taping naman ng False Positive ay nakaiskedyul ng November 27 hanggang December 18. Sa February, 2022 ang airing nito. Lito Mañago

AUTHOR PROFILE