GF ni Beatrice, proud sa bagong Miss U Philippines Kisses, tinanghal na Miss Photogenic
PROUD member ng LGBTQA+ ang nanalong Miss Universe Philippines 2021 na si Beatrice Luigi Gomez mula sa Cebu City.
Todo-suporta naman kay Beatrice ng girlfriend niyang si Kate Jagdon nu’ng pageant last September 30 na ginanap sa Panglao, Bohol.
Post ni Kate sa kanyang Instagram, “You have proved once again @beatriceluigigmz that you’re worthy of all the big things in life.
Congratulations to you for doing it once again! We are proud of you!”
Kailan naman kaya ang transwomen sa mga beauty pageant?
Anyway, isa sa runners-up na si Maureen Mrowblewitz habang Miss Photogenic ang beauty ni Kisses Delavin.
Mapapanood sa Linggo sa GMA-7 ang coronation night ng Miss U PH.
STAR-STUDDED GABAY GURO
STAR-STUDDED ang Gabay Guro Grand Gathering 2021 na may theme na Guro sa Gitna ng Pandemya: Heroes for Digital Transformation ngayong October 2 sa Gabay Guro Facebook page at YouTube channel.
Kabilang sa event sina Sharon Cuneta, Regine Velasquez at iba pa habang hosts naman sina Pops Fernandez, Derek Ramsay, Iza Calzado, Dominic Roque at Atom Araullo.
Kahit pandemic, tuloy ang pagtulong ng Gabay Guro sa teachers sa gitna ng mga hamon na dulot ng Covid-19.
Mabuhay ang Gabay Guro!. Ni Jun Nardo
