Chocolate CHOCOLATE–Ang tinaguriang Chocolate Hills sa Bohol na isa sa mga pinupuntahan ng mga turista sa Pilipinas.

Frasco nagpasalamat sa pagpapalawak ng proteksyon, pap-preserba ng Chocolate Hills

June 6, 2024 Jonjon Reyes 149 views

NAGPASALAMAT si Department of Tourism (DOT) Secretary Christina Garcia-Frasco sa pag-aakda ng HB 10438 na naglalayong amyendahan ang mga batas sa pamamahala ng Chocolate Hills.

Binigyang-diin ng kalihim ang kahalagahan ng inisyatiba. “Ang Chocolate Hills iconic na destinasyon ng turista, pambansang kayamanan at kritikal na bahagi ng katayuan ng Bohol bilang nag-iisang UNESCO Global Geopark ng Pilipinas.

Alinsunod sa pangako ng DOT sa sustainable turismo, ang mga iminungkahing pagbabago ay naaayon sa pananaw ni Pangulong Ferdinand R. Marcos Jr., na nakabalangkas sa National Tourism Development Plan (NTDP) 2023-28.

“Maganda ang pagsasama ng mga kinatawan ng Senado at Kamara bilang mga ex-officio na miyembro na may mga tungkulin sa pangangasiwa na higit na magpapalakas sa balangkas ng pamamahala na tinitiyak ang epektibong pagpapatupad at pagsubaybay sa mga plano at programa ng pamamahala,” ayon kay Garcia-Frasco.

Nangangahulugan ng makabuluhang hakbang patungo sa pag-iingat ng higit pa sa natatanging likas na pamana na ito ang pagpapalawak ng protektadong lugar ng Chocolate Hills sa mga katabing bayan ng Valencia at Sierra-Bullones.

“Ang pagpapalawak ng protektadong lugar at ang pagsasama ng magkakaibang stakeholder sa management board sumasalamin sa aming pangako sa isang holistic na diskarte sa pagpepreserba sa Chocolate Hills.

Sa pamamagitan ng sama-samang pagkilos, mapapahusay natin ang proteksyon nito, napapanatiling pag-unlad at pagkilala sa buong mundo,” dagdag ni Garcia-Frasco.

AUTHOR PROFILE