MARAMI palang concert producers ang nagpaabot ng tulong sa pamilya ng singer na si Jaya nang masunugan sila ng bahay sa Amerika.

Isa na rito ang Fil-Am promoter/producer na si Tommie Mopia, CEO ng TGM Group of Companies, Inc., na nakapag-produce na sa US ng concert ng local artists gaya nina Lani Misalucha, Jed Madela, Jake Zyrus at marami pang iba.

Katuwang ang kapwa Pinoy promoter/producer na si Garth Garcia ng Starlink Promotions, plano nina Tommie na ipag-produce si Jaya ng concert/s sa Amerika.

Sa isang pocket interview kamakailan, sinabi ni Tommie na, “We wanna help her, bring more shows para dalhin namin siya sa mga show namin, guest or something. Or get shows for herself… makabangon din, kasi nasunugan siya, eh. ‘Di naman ibig sabihin na artista do’n, may pera agad. Lalo kalilipat pa lang niya.

“So we’re trying to give her concerts next year. Maybe tandem with Lani Misalucha and Pops Fernandez. I’ve worked with Pops and The Hitmakers. ‘Yun ang gusto naming gawin. Like ‘yung i-collab namin with Jaya just to help her out. Maraming shows next year.”

Kwento pa niya, nakausap na ni Garth si Jaya. Maayos naman daw ang lagay ng singer at ng kanyang pamilya ngayon.

“She’s doing okay. She’s trying to rebuild up sa nangyari. Kaming mga producer, when that happened, nag-e-mail lahat, ‘hey we wanna help out.’ Nagbigay kami (ng cash). Kasi she’s very nice. Her family is very nice. Wala siyang attitude. She’s very nice, she’s not bitchy. Kaya talagang tinulungan talaga namin. Isang tawagan lang, nag-send kami lahat. She really appreciates it. January next year, mag-start kami ng shows niya,” dagdag na chika ni Tommie tungkol kay Jaya.

Malaki nga ang plano ng dalawa para sa tinaguriang Queen of Soul ng ‘Pinas.

Balak umano nila itong i-expose sa pakikipag-collab sa American singers.

“We’re gonna blend her in para at least, gumanda ‘yung pangalan niya, para mas makilala pa siya ng mga production,” ani Tommie.

Bukod dito, busy din ang grupo nina Tommie at Garth sa US concert ng bandang 6Cyclemind sa susunod na buwan.

Meron din silang pinaplanong concert para sa Pinay international singer na si Lea Salonga either this December or January 2023.

Bet din ni Tommie na ipag-produce ng concert ang Iconic artists na sina Regine Velasquez at Sharon Cuneta.

Ayon pa sa kanya, mabentang-mabenta ang dalawa sa Pinoy communities abroad tulad din nina Martin Nievera, Jed, Lani at iba pa nating seasoned performers.

“Personally, I want Regine and Sharon. And also for US artists, I wanna do at least, obviously hindi executive producer lang, but at least line-produce Bruno Mars and Justin Bieber. We have already talked to Justin Bieber’s team. Wala pa siya (Justin), but it’s a one-year process, so, at least, maka-tap in ka lang du’n, you’re good. So, we have good friends sa team niya,” turan pa ni Tommie na, incidentally, ay miyembro ng US Chamber of Commerce at Hollywood Chamber of Commerce.