Fans tinukso ni Sharon sa ShaGab N.America concert tour
NAGDIRIWANG muli ang avid fans and followers ng ShaGab loveteam nina Sharon Cuneta at Gabby Concepcion sa gitna ng bali-balitang matutuloy na ang concert tour ng dalawa abroad.
Kahapon, may pa-blind item na post ang Megastar sa Instagram tungkol sa umano’y concert tour niya sa North America na may kasama.
Sinabi pa niya sa post na nasa kanya na ang kontrata kaya hiningan niya ng opinyon ang followers niya kung pipirmahan na ba niya ito.
Ani Sharon sa IG post, “A little birdie told me that I am going to do a concert tour in North America this Fall… and I won’t be alone this time… Hmmm… I have a contract… Should I sign already? Comment below!” na sinamahan niya ng heart emoji na kulay purple.
Matatandaan na ganu’ng kulay din ng heart emoji ang ginamit nila ni Gabby sa matagumpay na “Dear Heart” reunion concert series nila nu’ng nakaraang taon.
Siyempre, marami ang na-excite kabilang na ang Soul Queen na si Jaya.
Komento nito, “Yeeesss!!! Go Megastar and beke nemen, libre ako ng mga panahon na yan.”
Sagot ni Sharon, “@jaya Ahahahahaha IYAY KOOOO I MISS YOU NA NAMAN!!! Mahal na mahal kita. Never ka nagbago. Mabuti ang puso, mabait. Bonus na lang yung napakagaling mo kumanta!”
Isang netizen naman ang nagbiro ng, “Little Birdie… alam ko Daks ito si ‘wish i was.Bird eh.”
Sey pa ng isa, “Ma balbon pa naman si Papi.”
Ang isang fan naman, nagsabi na nakabili na siya ng tickets para sa “Dear Heart” concert sa Thunder Valley Casino na nakatakdang ganapin sa November 15.
Kaya, abangers na lang sa iba pang developments.
