Fans, nasasabik kay Alden
NASASABIK na ang fans ng Asia’s Multimedia Star na si Alden Richards sa kanyang pagbabalik sa GMA series na The World Between Us na kasalukuyang naka-season break.
Sa November nakatakdang bumalik sa ere ang tandem nina Alden at Jasmine Curtis-Smith pero pansamantala, maaaring balikan at sariwain ng avid followers ng serye ang full episodes nito sa gmanetwork.com.
Kamakailan lamang, nagdiwang ang fans ni Alden sa kanyang pagwawagi ng best actor award sa katatapos na 36th PMPC Star Awards for Movies para sa kanyang natatanging pagganap sa 2019 film na Hello, Love, Goodbye.
Itinanghal din silang dalawa ni Kathryn Bernardo bilang Movie Loveteam of the Year para sa nasabing pelikula.
Dahil dito, inulan si Alden ng pagbati mula sa fans at malalapit na kaibigan.
