Natuwa ang fans ni Jennylyn Mercado na makita na ang aktres sa GMA Christmas Station ID na ini-release ng network last Monday.

Matatandaan kasing gumawa ng ingay ang hindi pagkakasama ni Jen sa GMA Station ID noong July at dito na nga nagsimula ang balitang lilipat na ng network ang aktres, bagay na itinanggi agad ng manager niyang si Becky Aguila.

Matatandaan ding nagsalita rin si Jen noong presscon niya sa Beautederm last July at inaming wala pa siyang bagong kontrata sa GMA pero nilinaw din niya na mananatili siyang Kapuso hangga’t gusto siya ng network.

Sa bagong Christmas Station ID ay makikitang magkasama si Jen at mister niyang si Dennis Trillo.

Ang appearance ng aktres sa bagong GMA Station ID ay isang malinaw na indikasyon na Kapuso pa rin siya. Ibig din kayang sabihin nito ay nakapirma na si Jen ng bagong kontrata sa GMA-7?

Samantala, nakampante naman ang kanyang fans nang makita si Jen sa bagong station ID ng Kapuso.

AUTHOR PROFILE

Vinia Vivar